6 - ம் வகுப்பு அறிவியல் - செல்லின் அமைப்பு

              செல்லின் அமைப்பு

செல்

• செல் என்பது ஒரு உயிரினத்தின் அடிப்படை அமைப்பும், செயல் அலகும் ஆகும்
• செல்களை நேரடியாக பார்ப்பதற்கு நுண்ணோக்கி என்னும் கருவி பயன்படுகிறது
• தாவரங்கள், விலங்குகள், மனித உடல் ஆகிய அனைத்தும் செல்களால் ஆனவை
• செல்லை முதன் முதலில் கண்டறிந்தவர் இராபர்ட் ஹூக் (கி.பி.1665)
• செல்லின் உட்கருவைக் கண்டறிந்தவர் இராபர்ட் பிரௌன்

செல்லின் வகைப்பாடுகள்

      1.புரோகேரியாட்டிக் செல்

      2.யூகேரியாட்டிக் செல்

1.புரோகேரியாட்டிக் செல்

• சவ்வினால் சூழப்பட்டுள்ள நுண் உறுப்புகள் இல்லாத தெளிவற்ற உட்கரு மட்டுமே கொண்டுள்ள செல் புரோகேரியாட்டிக் செல் எனப்படும்
• எடுத்துக்காட்டு: பாக்டீரியா 

2.யூகேரியாட்டிக் செல்

• செல்லின் வெளிச்சுவர் மற்றும் சவ்வினால் சூழப்பட்ட உட்கரு உட்பட அனைத்து நுண்ணுறுப்புகளையும் கொண்டுள்ள செல் யூகேரியாட்டிக் செல் எனப்படும்
• எடுத்துக்காட்டு: தாவர செல், விலங்கு செல்

விலங்கு செல்

பிளாஸ்மா படலம்

• இது செல்லைச் சுற்றி காணப்படும் செல்லுக்கு வடிவம் கொடுக்கும் படலம் ஆகும்
• செல்லுக்கு தேவையான பொருட்களைத் தேர்வு செய்து செல்லுக்கு உள்ளேயும், வெளியேயும் கடத்துகிறது
• செல்லுக்கு பாதுகாப்பு அளிக்கிறது

புரோட்டோபிளாசம்

• இது பிளாஸ்மா படலத்திற்கு உள்ளே இருக்கும் கூழ் ஆகும்
• சைட்டோபிளாசம், செல்லின் உட்கரு ஆகிய இரண்டையும் உள்ளடக்கியது புரோட்டோபிளாசம் ஆகும்
• புரோட்டோபிளாசம் என்று பெயரிட்டவர் ஜே.இ.பர்கின்ஜி
• புரோட்டோ என்றால் முதன்மை என்றும், பிளாசம் என்றால் கூழ் போன்ற அமைப்பு என்றும் பொருள்

சைட்டோபிளாசம்

• இது பிளாஸ்மா படலத்துக்கும், உட்கருவுக்கும் இடைப்பட்ட புரோட்டோபிளாசத்தின் பகுதி ஆகும்
• இதனுள் உட்கரு, இதர நுண்ணுறுப்புகள், புரதம், கார்போஹைட்ரேட் மற்றும் கொழுப்புகள் ஆகியவை காணப்படுகின்றன
• செல்லுக்குள் ஊட்டச்சத்துக்கள் பரவுவதற்கு உதவுகிறது

உட்கரு

• இது செல்லின் முக்கிய பகுதி ஆகும்
• செல்லின் அனைத்து செயல்களையும் கட்டுப்படுத்துவது உட்கரு ஆகும். எனவே இது செல்லின் கட்டுப்பாட்டு மையம் என அழைக்கப்படுகிறது
• இது கோள வடிவில் காணப்படும். இது செல்லின் நடுவில் தான் இருக்க வேண்டும் என்ற அவசியமில்லை.எங்கு வேண்டுமானாலும் இருக்கலாம்
• உட்கருச்சாறு, உட்கருச்சவ்வு, உட்கரு மணி, குரோமேட்டின் வலைப்பின்னல் ஆகியவை இதனுள் காணப்படுகிறது
• ஒரு தலைமுறையிலிருந்து அடுத்த தலைமுறைக்கு மரபு பண்புகளை கடத்துகிறது 

மைட்டோகாண்ட்ரியா

• இது நாம் உண்ணும் உணவை ஆற்றலாக மாற்றுகிறது.எனவே இது செல்லின் ஆற்றல் மையம் என அழைக்கப்படுகிறது

கோல்கை உறுப்புகள்

• இது உணவு செரிமானம் அடைய நொதிகளைச் சுரக்கிறது
• லைசோசோம்களை உருவாக்குகிறது
• நாம் உண்ணும் உணவிலிருந்து புரதச் சத்தை பிரித்து எடுக்கிறது
• இது தாவர செல்லில் டிக்டியோசோம்கள் என அழைக்கப்படுகிறது

எண்டோபிளாச வலை

• செல்லுக்கு உள்ளே இருக்கும் பொருள்களை ஒரு இடத்திலிருந்து மற்றொரு இடத்திற்கு கொண்டு செல்ல இது பயன்படுகிறது

ரிபோசோம்கள்

• இது புரதத்தை உற்பத்தி செய்கிறது.எனவே இது செல்லின் புரதத் தொழிற்சாலை என அழைக்கப்படுகிறது

லைசோசோம்கள்

• செல்லின் உள்ளே நுழையும் நுண்கிருமிகளை அழிக்க உதவுகிறது. எனவே இது செல்லின் தற்கொலைப் பைகள் என அழைக்கப்படுகிறது
• இது செல்லுக்கு உள்ளேயும், வெளியேயும் செரித்தல் வேலையைச் செய்கிறது

சென்ட்ரோசோம்

• இது விலங்கு செல்களில் மட்டுமே காணப்படும்
• இது புதிய செல்களை உருவாக்குகிறது

நுண் குமிழ்கள்

• சத்துநீரை சேமிப்பது, செல்லின் உள் அழுத்தத்தை ஒரே மாதிரியாக வைத்திருப்பது ஆகிய வேலைகளைச் செய்கிறது

தாவர செல்

• தாவரங்களில் செல்சுவர் காணப்படுவதால் விலங்குகளை விடத் தாவரம் இறுகி கடினமாக காணப்படுகிறது

செல்சுவர்

• செல்லுலோஸ் என்னும் பொருளினால் ஆன செல்லுக்கு வடிவத்தைத் தரும் வெளியுறை செல்சுவர் எனப்படும் 
• செல்லின் உள் உறுப்புகளைப் பாதுகாக்கிறது 

 கணிகங்கள்

• இது தாவர செல்லுக்கு மட்டுமே உரிய நுண்ணுறுப்பு ஆகும்
• தாவரங்களின் ஒளிச்சேர்க்கைக்கு உதவுகிறது
• மலர் மற்றும் கனிகளுக்கு நிறத்தை அளிக்கிறது
• இவற்றில் நிறமிகள் காணப்படுகிறது
• நிறமிகளின் அடிப்படையில் மூன்றாக பிரிக்கப்பட்டுள்ளது.அவை

        1. குளோரோபிளாஸ்ட்

        2. குரோமோபிளாஸ்ட்

        3. லியூக்கோபிளாஸ்ட்

1. குளோரோபிளாஸ்ட்

• குளோரோஃபில் - பச்சை நிற நிறமி காணப்படுகிறது
• இவை தாவரங்களின் தண்டு, இலைகளுக்கு பச்சை நிறத்தைத் தருகிறது

2.குரோமோபிளாஸ்ட்

• கரோட்டின் - ஆரஞ்சு நிற நிறமி
• சாந்தோஃபில் - மஞ்சள் நிற நிறமி
• தாவரங்களின் பூக்கள், கனிகளுக்கு நிறத்தைத் தருகிறது

3.லியூக்கோபிளாஸ்ட்

• தாவரத்தின் வேர் பகுதிகளிலும், தரைக்கீழ் தண்டு பகுதிகளிலும் காணப்படுகிறது

தகவல் துளிகள்

• மனித உடலில் காணப்படும் செல்களின் எண்ணிக்கை சுமார் 6,50,00,000 ஆகும்
• மனித உடலில் உள்ள எலும்புகள் ஈரப்பசையற்ற, சிறப்பு வகைச் செல்களால் ஆனவை
• இரத்தம் சிவப்புச் செல்களால் ஆனவை என்பதை கண்டறிந்தவர் ஆன்டன் வான் லூவன் ஹாக்(1675)
• விலங்கு செல்லில் காணப்படும் மிக நீளமான செல் நரம்புசெல் ஆகும்
• விலங்கு செல்லில் காணப்படும் மிக கடினமான செல் எலும்பு செல் ஆகும்
• இரத்த சிவப்பணுக்கள் என்பவை உட்கரு இல்லாத விலங்கு செல்கள் ஆகும்