புவியியல் - இந்தியா-போக்குவரத்து மற்றும் தகவல் தொடர்பு

Transport including surface transport and communication

இந்தியா-போக்குவரத்து மற்றும் தகவல் தொடர்பு

இந்திய போக்குவரத்து அமைப்பு

• பொருட்களின் உற்பத்திக்கு தேவையான மூலப் பொருட்களை உற்பத்தி இடத்திற்கும், உற்பத்தி செய்யப்பட்ட பொருட்களை சந்தைக்கும்  எடுத்துச்செல்ல போக்குவரத்து உதவுகிறது
• சமுதாய பிணைப்பை முன்னேற்றவும், பொருளாதார செழிப்பை விரைவுபடுத்தவும் நெருக்கமான போக்குவரத்து வழித்தடங்கள் முக்கியமானவை

சாலைப் போக்குவரத்து

• இந்திய சாலை வழிப் போக்குவரத்து 3.314 மில்லியன் கிலோ மீட்டர் நீளம் கொண்டு உலகின் இரண்டாவது பெரிய சாலை போக்குவரத்தாக அமைந்துள்ளது

கிராமச் சாலைகள்

• பல்வேறு கிராமங்களை நகரங்களுடன் இணைக்கும் சாலை ஆகும்
• கிராம பஞ்சாயத்தால் பராமரிக்கப்படுகிறது
• இந்தியாவில் 26,50,000 கிலோமீட்டர் நீளமுள்ள கிராமச் சாலைகள் காணப்படுகின்றன

மாவட்டச் சாலைகள்

• கிராமங்களை மாவட்டத்தின் தலைநகரங்களுடன் இணைக்கின்றன
• மாநகராட்சிகளும், நகராட்சிகளும் பராமரிக்கின்றன
• இந்தியாவில் மாவட்டச் சாலைகள் 4,67,763 கிலோமீட்டர் நீளத்திற்கு அமைந்துள்ளது

மாநில நெடுஞ்சாலைகள்

• பல்வேறு மாவட்ட தலைநகரங்களை மாநிலத்தின் தலைநகரத்துடன் இணைக்கிறது
• மாநில பொதுப்பணித் துறையால் அமைக்கப்பட்டு பராமரிக்கப்படுகின்றன
• மாநில நெடுஞ்சாலைகள் 1,31,899 கிலோமீட்டர் நீளத்திற்கு அமைந்துள்ளது

தேசிய நெடுஞ்சாலைகள்

• மாநிலத் தலைநகரங்களை தேசிய தலைநகரத்துடன் இணைக்கும் சாலைகள்
• மத்திய பொதுப்பணித் துறை பராமரிக்கிறது
• 92,851 கிலோ மீட்டர் தூரத்திற்கு தேசிய நெடுஞ்சாலைகள் அமைந்துள்ளன
• எடுத்துக்காட்டு:

       தமிழ்நாட்டையும்,கேரளாவையும்            இணைக்கும் தேசிய நெடுஞ்சாலை - தேசிய    நெடுஞ்சாலை 47

• தேசிய நெடுஞ்சாலையில் குறைவான நீளமுடையது NH47A.இது 5.9 கிலோ மீட்டர் நீளமுடையது. எர்ணாகுளம் - கொச்சி துறைமுகத்தை இணைக்கிறது
• அதிக நீளமுடைய தேசிய நெடுஞ்சாலை NH7. இது உத்திரப் பிரதேசத்திலுள்ள வாரணாசியிலிருந்து, கன்னியாகுமரி வரை செல்கிறது. இதன் நீளம் 2,369 கிலோமீட்டர் ஜபல்பூர்,நாக்பூர், ஹைதராபாத், பெங்களூரு ஆகிய மாநகரங்களை இணைக்கிறது

தங்க நாற்கர சிறப்பு நெடுஞ்சாலைகள்

• இவை ஏறத்தாழ 14,846 கிலோமீட்டர் நீளத்திற்கு இந்தியாவின் முக்கிய நகரங்களை இணைக்கிறது
• இதில் அடங்கியுள்ள முக்கிய வழிகள்

1.ஆறுவழி சிறப்புச் சாலைகள்

• சுமார் 5846 கிலோமீட்டர் தூரத்திற்கு அமைக்கப்பட்டுள்ளது
• சென்னை, மும்பை, டெல்லி, கொல்கத்தா ஆகிய மாநகரங்களை இணைக்கிறது

2.வட தென் பகுதிகளை இணைக்கும் சாலைகள்

• ஸ்ரீநகரையும், கன்னியாகுமரியையும் இணைக்கிறது
• கிழக்கு, மேற்கு பகுதிகளை இணைக்கும் சாலைகள் சில்சார் - போர்பந்தரை இணைக்கிறது
• இவற்றின் மொத்த நீளம் 7300 கிலோ மீட்டர்

3.விரைவுவழிச் சாலைகள்

• 200 கிலோ மீட்டர் தூரத்திற்கு அதிகமான நீளமான ஆறு வழிச்சாலைகளாகும்
• எடுத்துக்காட்டு:

      மும்பையிலிருந்து புனே செல்லும் விரைவு    வழிச்சாலை 

4.எல்லையோரச் சாலைகள்

• நம் நாட்டின் வடக்கு மற்றும் வடகிழக்கு எல்லைகளில் அமைக்கப்பட்டுள்ளது
• 1960-ம் ஆண்டு அமைக்கப்பட்ட எல்லையோர அமைப்பு (Border Roads Organisation) இச்சாலைகளை பராமரிக்கிறது
• 46,780 கிலோ மீட்டர் நீளம் கொண்ட சாலைகள் கடினமான நில அமைப்புகளில் உள்ளது

5.பன்னாட்டு நெடுஞ்சாலை

• இது நம் நாட்டை அண்டை நாடுகளுடன் இணைக்கிறது

ரயில் போக்குவரத்து

• ரயில் போக்குவரத்து முதன்முதலில்  1853-ம் ஆண்டு தொடங்கப்பட்டது
• முதல் நீராவி ரயில் மும்பைக்கும் - தானேக்கும் இடையே 1853 - ம் ஆண்டு 34 கிலோ மீட்டர் தூரத்திற்கு அமைக்கப்பட்டது
• போபால் - சதாப்தி ரயில் இந்தியாவிலேயே அதிவிரைவு ரயில் ஆகும். இது மணிக்கு 150 கிலோமீட்டர் வேகத்தில் போபால் சந்திப்பு- புதுடெல்லி இடையே செல்கிறது
• இந்திய ரயில் போக்குவரத்து துறை உலகளவில் நான்காவது இடத்தையும், ஆசியாவில் இரண்டாவது இடத்தையும் வகிக்கிறது. இது குறுக்கிலும், நெடுக்கிலுமாக 63,273 கிலோமீட்டர் 7025 ரயில் நிலையங்களை இணைக்கிறது

பறக்கும் ரயில் மற்றும் மெட்ரோ ரயில் - சென்னை

குழாய் வழிப் போக்குவரத்து

• எண்ணெய் மற்றும் இயற்கை வாயு தளங்களிலிருந்து சுத்திகரிக்கப்படாத எண்ணெய் மற்றும் இயற்கை வாயுவை சுத்திகரிப்பு ஆலைகளுக்கும், இரசாயன உரத் தொழிலகங்களும், அனல்மின் நிலையங்களுக்கும் எடுத்துச் செல்ல பயன்படுகிறது

நீர்வழிப் போக்குவரத்து

• நீர்வழிப் போக்குவரத்து இரு வகைப்படும் அவை

     1.உள்நாட்டு போக்குவரத்து

     2.கடல்வழி போக்குவரத்து

1.உள்நாட்டு போக்குவரத்து

• நீர்வழிப் போக்குவரத்து மொத்தம் 14, 500 கிலோ மீட்டர் தூரம் நடைபெறுகிறது.அதில் 5685 கிலோ மீட்டர் தூரம் ஆறுகளிலும், 400 கிலோ மீட்டர் தூரம் கால்வாய்களிலும் எந்திரப்படகுகள் மூலம் நடைபெறுகிறது

2.கடல் வழிப் போக்குவரத்து

• இந்தியாவின் கடற்கரையின் மொத்த நீளம் 7516 கிலோமீட்டர் ஆகும். இதில் 13 பெரிய துறைமுகங்களும், 187 நடுத்தர மற்றும் சிறிய துறைமுகங்களும் அமைந்துள்ளன
• இந்தியாவில் நான்கு முக்கிய கப்பல் கட்டும் தளங்கள் உள்ளன

  1.இந்துஸ்தான் கப்பல் கட்டும் தளம் - விசாகப்பட்டினம்

         2.கார்டன் ரீச் தொழிற்சாலை - கொல்கத்தா

         3.மேசகான்டாக் - மும்பை

         4.கொச்சி கப்பல் கட்டும் தளம் - கொச்சி

வான்வழிப் போக்குவரத்து

• டாட்டா ஏர்லைன்ஸ் 1946 -ம் ஆண்டு ஏர் இந்தியா என்று பெயர் மாற்றப்பட்டது
• பவான் ஹான்ஸ் ஹெலிகாப்டர் லிமிடெட் என்ற பொதுத்துறை நிறுவனம் எண்ணெய் மற்றும் எரிவாயுக் கழகத்தின் கடல் சார்ந்த பணிகளுக்கு ஹெலிகாப்டர் சேவையை அளிக்கிறது

தகவல் தொடர்பு

• தகவல்கள், எண்ணங்கள், கருத்துக்களின் பரிமாற்றம் இவற்றை உள்ளடக்கியதே தகவல் தொடர்பு எனப்படும்
• தனிநபர் தகவல் தொடர்பு என்பது இரு நபர்களுக்கு இடையே தகவல்களை பரிமாறிக் கொள்வதாகும்

      1.அஞ்சல்

      2.தந்தி

      3.தொலைபேசி

      4.கைபேசி

      5.பிரதிகள்

மக்கள் தொடர்பு சாதனம்

• மக்கள் தொடர்பு சாதனம் என்பது ஒரே நேரத்தில் மில்லியன் கணக்கான மக்கள் தகவல்களை பெறுவதாகும்

      1.வானொலி

      2.தொலைக்காட்சி

      3.செய்தித்தாள்

      4.இணையதளம்

• இந்தியாவில்  1927 - ம் ஆண்டு முதல் வானொலி ஒலிபரப்பப்பட்டது
• 1936 - ம் ஆண்டு அகில இந்திய வானொலி என்றும் 1957 முதல் ஆகாசவாணி என்றும் அழைக்கப்படுகிறது