புவியியல் - மக்கள் தொகை வளர்ச்சி மற்றும் பரவல்

       Population - density and distribution
       மக்கள் தொகை வளர்ச்சி மற்றும் பரவல்

மக்கள் தொகை வளர்ச்சி

• பிறப்பு விகிதத்திற்கும், இறப்பு விகிதத்திற்கும் இடையே உள்ள வேறுபாடு மக்கள்தொகை வளர்ச்சி விகிதம் என அழைக்கப்படுகிறது
• பிறப்பு விகிதம் என்பது மொத்த மக்கள் தொகையில் 1000 பெண்களுக்கு ஓராண்டில் பிறக்கும் குழந்தைகளின் எண்ணிக்கை ஆகும்
• இறப்பு விகிதம் என்பது மொத்த மக்கள் தொகையில் 1,000 மக்களில் ஓராண்டில் ஏற்படும் இறப்பின் எண்ணிக்கை ஆகும்
• தமிழ்நாட்டில், மக்கள் தொகையின் ஆண்டு வளர்ச்சி விகிதம் 1.1% ஆகும்

மக்கள்தொகை பரவல்

• புவியில், மக்கள் பரவிக் காணப்படும் நிலையினையே மக்கள்தொகை பரவல் என்கிறோம்
• தமிழ்நாட்டில் மொத்த மக்கள் தொகையில் அதிக அளவான 6.96% சென்னை மாவட்டம் பெற்றுள்ளது. இதனைத் தொடர்ந்து கோயம்புத்தூர், வேலூர், சேலம் மாவட்டங்கள் அதிக எண்ணிக்கையிலான மக்களைக் கொண்டுள்ளன
• மிகக்குறைந்த மக்கள்தொகை கொண்ட மாவட்டம் பெரம்பலூர் (.069%) ஆகும்

மக்கள் அடர்த்தி

• மக்கள் அடர்த்தி என்பது ஒரு பரப்பில் உள்ள மக்களின் சராசரி எண்ணிக்கையை அளவிடுவது ஆகும்
• ஒரு சதுர கிலோமீட்டருக்குள் வாழும் மக்களின் எண்ணிக்கையே மக்கள்தொகை அடர்த்தி எனப்படும்
• மக்கள் தொகை அடர்த்தி அதிகமுள்ள நாடு வங்காளதேசம் ஆகும். இங்கு ஒரு சதுர கிலோ மீட்டருக்கு 1069 மக்கள் வாழ்கின்றனர்
• மக்கள்தொகை அடர்த்தி குறைவாக உள்ள நாடு மங்கோலியா ஆகும். இங்கு ஒரு சதுர கிலோ மீட்டருக்கு 1.7 மக்கள் வாழ்கின்றனர்

மக்கள்தொகை பரவல் மற்றும் அடர்த்தியை பாதிக்கும் காரணிகள்

1.இயற்கைக் காரணிகள்

       i)புவித்தோற்றம்
       ii)காலநிலை
       iii)வள ஆதாரங்கள்

i)புவித்தோற்றம்

• சமமான நிலப்பரப்பு உள்ள பகுதிகளில் அதிக அடர்த்தி காணப்படும்
• எடுத்துக்காட்டு: இந்தியாவின் கங்கைச் சமவெளி
• மலைகளைப் போன்ற உயரமான நிலத்தோற்றம் உள்ள பகுதிகளில் குறைந்த அடர்த்தி காணப்படும்
• எடுத்துக்காட்டு: இமயமலை

ii)காலநிலை

• பயிர்கள் வளர்வதற்குப் போதுமான மழையளவு மற்றும் வெப்பம் நிலவும் காலநிலை மக்கள் அடர்த்தி அதிகமாக இருப்பதற்கு காரணமாக உள்ளது
• எடுத்துக்காட்டு: இந்தியா
• தீவிரமான காலநிலைப் பகுதிகளில் மக்கள் அடர்த்தி நெருக்கமற்று காணப்படும்
• எடுத்துக்காட்டு: மிக அதிக வெப்பமுள்ள சஹாரா பாலைவனம் மற்றும் மிக அதிக குளிர் பகுதியாகிய கிரீன்லாந்து

iii)வள ஆதாரங்கள்

• கனிமங்கள், எரிபொருள்கள், காடுகள், மீன் வள ஆதாரங்கள் அதிகமாக உள்ள பகுதிகளில் மக்கள் அடர்த்தி அதிகமாகக் காணப்படும்
• வளங்கள் குறைவான பகுதிகளில், மக்கள் நெருக்கமற்று காணப்படுகின்றனர்
• எடுத்துக்காட்டு: ஆப்பிரிக்காவில் உள்ள சாஹேல் பகுதி

2.மனித காரணிகள்

        i)அரசியல்
        ii)சமுதாயம்
        iii)பொருளாதாரம்

i)அரசியல்

• நிலையான அரசாங்கம் உள்ள நாடுகளில் மக்கள் அடர்த்தி அதிகமாக உள்ளது
• எடுத்துக்காட்டு: சிங்கப்பூர்
• நிலையற்ற அரசாங்கம் நடைபெறும் நாடுகளில் இருந்து மக்கள் இடம் பெயர்ந்து செல்வதால் மக்கள் அடர்த்தி குறைவாக காணப்படும்
• எடுத்துக்காட்டு: ஆப்கானிஸ்தான்

ii)சமுதாயம்

• தங்கள் பாதுகாப்பிற்காக மக்கள் குழுக்களாக நெருக்கமாக வாழ்கின்ற பகுதியில் அதிக அடர்த்தி காணப்படும்
• எடுத்துக்காட்டு: அமெரிக்க ஐக்கிய நாடுகள்
• மக்களுள் சில கூட்டங்கள் தனித்து வாழ்வதால் குறைவான அடர்த்தி காணப்படுகிறது
•  எடுத்துக்காட்டு: ஸ்காண்டி நேவியர்கள்

iii)பொருளாதாரம்

• நல்ல வேலைவாய்ப்புகள் உள்ள இடங்களில் குறிப்பாக பொருளாதாரம் அதிகமாக வளர்ச்சி அடைந்துள்ள (டோக்கியோ) மற்றும் குறைவான வளர்ச்சி அடைந்துள்ள (மும்பை) நாடுகளிலுள்ள நகரங்களில் மக்களடர்த்தி அதிகமாகக் காணப்படும்
• குறைவாக வேலை வாய்ப்பு உள்ள பகுதிகளில் மக்கள் அடர்த்தி குறைவாகக் காணப்படும்
• எடுத்துக்காட்டு: அமேசான் மழைக்காட்டுப் பகுதிகள்