6 - ம் வகுப்பு அறிவியல் - விசையும் இயக்கமும்

6 - ம் வகுப்பு அறிவியல் - விசையும் இயக்கமும்

ஓய்வும் இயக்கமும்

• காலத்தைப் பொருத்து ஒரு பொருள் தனது நிலையை மாற்றிக் கொள்வது இயக்கம் எனப்படும்
• தனது நிலையை மாற்றிக் கொள்ளாமல் ஒரே இடத்தில் இருப்பது ஓய்வு நிலை எனப்படும்
• பொருட்களின் மீது உயிருள்ள அல்லது உயிரற்ற காரணிகளால் செயல்படுத்தப்படும் தள்ளுதல் அல்லது இழுத்தலே விசை என அழைக்கப்படுகிறது
• பொருளின் மீது செயல்படுத்தப்படும் விசையானது,

• பொருளை ஓய்வு நிலையில் இருந்து இயக்க நிலைக்கோ அல்லது இயக்க நிலையில் இருந்து ஓய்வு நிலைக்கோ மாற்றும்

• இயங்கும் பொருளின் வேகத்தினையோ அல்லது திசையையோ அல்லது இரண்டையுமோ மாற்றும்

• பொருளின் வடிவத்தில் மாற்றத்தை ஏற்படுத்தும்

இயக்கத்தின் வகைகள்

நேர்கோட்டு இயக்கம்

• பொருளானது நேர்கோட்டுப் பாதையில் இயங்கும்
• எடுத்துக்காட்டு: நேர்கோட்டுப் பாதையில் நடந்து சென்று கொண்டிருக்கும் மனிதன், தானாகக் கீழே விழும் பொருள்

வளைவுப்பாதை இயக்கம்

• பொருளானது முன்னோக்கிச் சென்று கொண்டிருக்கும் தனது பாதையில் தனது திசையைத் தொடர்ந்து மாற்றிக் கொண்டே இருக்கும்
• எடுத்துக்காட்டு: பந்தினை வீசுதல்

வட்டப்பாதை இயக்கம்

• ஒரு பொருள் வட்டப்பாதையில் இயங்கும்
• எடுத்துக்காட்டு: கயிற்றின் ஒரு முனையில் கல்லினைக் கட்டிச் சுற்றுதல்

தற்சுழற்சி இயக்கம்

• ஒரு பொருள் அதன் அச்சினை மையமாகக் கொண்டு இயங்குதல்
• எடுத்துக்காட்டு: பம்பரத்தின் இயக்கம்

அலைவு இயக்கம்

• ஒரு பொருள் ஒரு புள்ளியை மையமாகக் கொண்டு ஒரு குறிப்பிட்ட கால இடைவெளியில் முன்னும் பின்னுமாகவோ அல்லது இடம் வலமாகவோ மாறி மாறி நகர்தல்
• எடுத்துக்காட்டு: தனி ஊசல்

ஒழுங்கற்ற இயக்கம்

• ஒரு ஈயின் இயக்கம் அல்லது மக்கள் நெருக்கம் மிகுந்த தெருவில் நடந்து செல்லும் மனிதர்களின் இயக்கம்

அதிவேகத்தில் இயங்கும் அலைவு இயக்கம்

• அலைவானது அதிவேகமாக நடைபெறும் போது நாம் அவ்வியக்கத்தினை அதிர்வுறுதல் என அழைக்கிறோம்
• அலைவு இயக்கம் அனைத்துமே கால ஒழுங்கு இயக்கமாக அமையும். ஆனால் அனைத்துக் கால ஒழுங்கு இயக்கங்களும் அலைவு இயக்கமாகக் காணப்படாது

சராசரி வேகம்

• ஓரலகு காலத்தில் ஒரு பொருள் எவ்வளவு தூரம் கடந்தது என்று கூறுவதை சராசரி வேகம் ஆகும்
• அதாவது ஒரு பொருளானது d தொலைவினை t கால இடைவெளியில் கடந்தால் அதன் சராசரி வேகம் (s) = (கடந்த தொலைவு (d))/(எடுத்துக்கொண்ட காலம் (t)) = (d/t)

தரையில் வாழும் விலங்குகளில் சிறுத்தையானது சராசரியாக 112 கிலோ மீட்டர் /மணி என்ற வேகத்தில் ஓடும் மிக வேகமான விலங்காகும்

சீரான இயக்கம் மற்றும் சீரற்ற இயக்கம்

• குறிப்பிட்ட கால இடைவெளியில் சீரான வேகத்தில் இயங்கும் பொருளின் இயக்கம் சீரான இயக்கம் எனப்படும்
• மாறுபட்ட வேகங்களில் இயங்கும் பொருளின் இயக்கம் சீரற்ற இயக்கம் எனப்படும்