புவியியல் - மண் வளம், கனிம வளம் மற்றும் இயற்கை வளங்கள்

Soil,Minerals and Natural resources

மண் வளம், கனிம வளம் மற்றும் இயற்கை வளங்கள்

இயற்கை வளங்கள்

• அன்றாட வாழ்வின் தேவைகளை நிறைவு செய்ய இயற்கையிலிருந்து பெறப்படும் அனைத்து பொருட்களும் இயற்கை வளங்கள் எனப்படும்
• எடுத்துக்காட்டு:

  நிலம், காற்று, நீர், சூரிய ஒளி, மண்,     கனிமங்கள் ,நிலக்கரி, கச்சா எண்ணெய்,         தாவரங்கள் ,விலங்குகள்

• இயற்கை வளங்களை இரு பிரிவுகளாகப் பிரிக்கலாம்

      1.புதுப்பிக்கத்தக்க வளங்கள்

      2.புதுப்பிக்க இயலாத வளங்கள்

1.புதுப்பிக்கத்தக்க வளங்கள்

• புதுப்பிக்கத்தக்க வளம் என்பது இயற்கை கரிம வளம் ஆகும்
• உயிரிகளின் பெருக்கத்தின் காரணமாகவோ அல்லது மற்ற இயற்கை செயல்பாடுகளின் காரணமாகவோ கிடைக்கக்கூடிய காலத்தை பொறுத்து திருப்பி நிறைவு செய்கின்றது
• எடுத்துக்காட்டு: வேளாண் பயிர்கள் மீண்டும் உற்பத்தியாவதற்கு குறைந்த காலத்தையே எடுத்துக் கொள்கின்றன

மண் வளம்

• மண் புதுப்பிக்கத்தக்க இயற்கை வளமாகும்
• மண்ணில் அடங்கியுள்ள பொருட்கள்

       1.மட்கிய தாவரங்கள்

       2.விலங்கின பொருட்கள்

    3.சிலிக்கா, களிமண், சுண்ணாம்பு போன்ற  கனிமங்கள்

 4.இலை மட்கு எனப்படும் உயிர்ச்சத்து பொருட்கள்

• மண்ணில் அதிகமாக இருக்க வேண்டிய சத்துப் பொருட்கள் நைட்ரஜன், பொட்டாசியம், பாஸ்பேட் ஆகும்
• மண்ணில் மிக நுண்ணிய அளவில் இருக்க வேண்டிய சத்துப் பொருட்கள் கந்தகம் ,குளோரின், செம்பு, மாங்கனிஸ், மாலிப்டினம் இரும்பு, துத்தநாகம் ஆகும்
• இந்தியாவில் உள்ள மண்ணை ஆறு வகைகளாகப் பிரிக்கலாம்

      1.வண்டல் மண்

      2.கரிசல் மண்

      3.செம்மண்

      4.சரளை மண்

      5.மலை மண்

      6.வறண்ட பாலைவன மண்

 

1.வண்டல் மண்

• ஆற்றுப்படுகைகள், வெள்ளப்பெருக்குச் சமவெளி, கடற்கரைச் சமவெளி போன்றவற்றில் ஆறுகளால் படிய வைக்கப்படும் படிவுகள் வண்டல் மண் எனப்படும்
• வண்டல் மண் இரண்டு வகையாக பிரிக்கப்படுகிறது

       i)காதர் மண்

       ii)பாங்கர்மண்

• காதர் மண் என்பது புதியதாக படிய வைக்கப்படும் வெளிர்நிறத்துடன் கூடிய வண்டல் மண் ஆகும்
• பாங்கர் மண் களிமண் கூடிய வண்டல் மண் ஆகும்
• வண்டல் மண்ணை படிய வைக்கும் ஆறுகள் மகாநதி, கோதாவரி, கிருஷ்ணா, காவிரி, சட்லஜ், கங்கை, யமுனை, கட்டக், காக்ரா
• வண்டல் மண் நெல், கோதுமை, கரும்பு, பருத்தி மற்றும் எண்ணெய் வித்துக்கள் பயிரிடுவதற்கு ஏற்ற மண் ஆகும்
• கங்கை-பிரம்மபுத்திரா தாழ்ந்த ஆற்றுச் சமவெளி சணல் பயிரிட பயன்படுகிறது 
• பஞ்சாப், ஹரியானா, உத்திரப்பிரதேசம், பீகார் ,மேற்கு வங்காளம் ஆகியவற்றில் வண்டல் மண் காணப்படுகிறது

2.கரிசல் மண்

• தீப்பாறைகள் சிதைறுவதால் உருவாகிறது
• கோதாவரி, நர்மதை, தபதி ஆற்றுப் பள்ளத்தாக்குகளில் காணப்படுகிறது
• சுண்ணாம்பு, இரும்பு, பொட்டாசியம் ,அலுமினியம், கால்சியம், மெக்னீசியம் ,கார்பனேட்டுகளை அதிகம் கொண்டதாக உள்ளது. ஆனால் பாஸ்பரஸ், நைட்ரஜன் மற்றும் உயிரிப்பொருட்கள் இன்றி காணப்படுகின்றது
• ஈரப்பதத்தை தேக்கி வைக்கும் சிறப்புத்தன்மை பெற்றதால் புகையிலை, எண்ணெய்வித்துகளான கடுகு, சூரியகாந்தி மற்றும் பழங்கள், காய்கறிகள் விளைவதற்கு ஏற்றதாக உள்ளது
• பருத்தி, நெல், கோதுமை, சோளம், தினை வகைகள், கரும்பு ஆகிய பயிர்கள் விளைய ஏற்றதாகவும் உள்ளது
• மகாராஷ்டிரா, குஜராத், மத்தியப் பிரதேசத்தில் ஒரு பகுதி, ஆந்திரப் பிரதேசம் தமிழ்நாட்டின் தென் மாவட்டங்களை உள்ளடக்கிய தக்காண பீடபூமி ஆகிய பகுதிகளில் இம்மண் காணப்படுகிறது

3.செம்மண்

• பழங்கால படிவுப் பாறைகள் மற்றும் உருமாறிய பாறைகள் சிதைவுற்று உருவானவை
• இரும்புச்சத்து அதிகம் காணப்படுவதால் சிவப்பு நிறமாக உள்ளது
• நுண்துகள்கள் காணப்படுவதால் ஈரப்பதத்தை தக்க வைத்துக் கொள்ளாது
• சுண்ணாம்புச்சத்து, நைட்ரஜன், பாஸ்பரஸ் ஆகியவற்றை குறைவான அளவில் கொண்டுள்ளன
• கோதுமை, நெல், பருத்தி, கரும்பு, பருப்பு வகைகள் பயிரிடப்படுகின்றன

4.சரளை மண்

• வெப்பமண்டல பருவக்காற்று காலநிலையில் உருவாகிறது
• இரும்பு ஆக்சைடு உள்ளதால் சிவப்பு நிறமாக காணப்படுகிறது
• காபி, ரப்பர், முந்திரி, மரவள்ளி ஆகிய பயிர்கள் பயிரிடப்படுகின்றன
• ஆந்திரப் பிரதேசம், தமிழ்நாடு, கர்நாடகா ,கிழக்கு தொடர்ச்சி மலையின் உச்சிகள், ஒடிசா ,கேரளா, அசாமின் சில பகுதிகளிலும் காணப்படுகிறது

5.மலை மண்

• இலைச்சத்தும், சாம்பல்சத்தும் அதிகமாக காணப்படுகிறது
• தேயிலை, காபி, ரப்பர் பயிரிடப்படுகிறது
• கிழக்கு மற்றும் மேற்கு தொடர்ச்சி மலை, இமாச்சல பிரதேசம்,சிவாலிக் மலைத்தொடர்களில் காணப்படுகிறது
• தேயிலை பயிரிடுவதில் அஸ்ஸாமும் மேற்கு வங்காளமும் முதன்மை வகிக்கின்றன

6.வறண்ட பாலைவன மண்

• இயற்கையாகவே மணலாகவும், காரச்சத்தை பெற்றதாகவும், நுண்துளைக் கொண்டதாகவும் உள்ளது
• வளமில்லாத மண்ணாக இருந்தாலும் நீர்ப்பாசன வசதியுடன் சில பகுதிகளில் வேளாண்மை செய்யப்படுகிறது
• கோதுமை, நெல், பார்லி, திராட்சை, தர்பூசணி போன்றவை விளைவிக்கப்படுகின்றன
• வடமேற்கு இந்திய பகுதிகளான ராஜஸ்தான், குஜராத்(கட்ச்) மற்றும் தென் பஞ்சாப் ஆகிய பகுதிகளில் காணப்படுகிறது

2.புதுப்பிக்க இயலாத வளங்கள்

• பயன்பாட்டிற்குப் பிறகு மீண்டும் கிடைக்க இயலாத வளங்கள் புதுப்பிக்க இயலாத வளங்கள் எனப்படும்
• எடுத்துக்காட்டு: கனிமங்கள், படிம எரிபொருட்கள்

கனிம வளங்கள்

• கனிம வளங்கள் இரண்டாக வகைப்படுத்தப்பட்டுள்ளன

       i)உலோகக் கனிமங்கள்

       ii)உலோகமல்லாத கனிமங்கள்

i)உலோகக் கனிமங்கள்

• இரும்பு, செம்பு, மாங்கனிஸ், பாக்சைட், தங்கம் போன்ற உலோகங்களை கொண்டுள்ளன
• உலோகக் கனிமங்கள் இரண்டாகப் பிரிக்கப்பட்டுள்ளன

      1.இரும்பு சார்ந்த கனிமங்கள்

      2.இரும்பு சாராத கனிமங்கள்


1. இரும்புசார்ந்த கனிமங்கள்

• இரும்பு கலந்திருந்தால் அவை இரும்பு சார்ந்த கனிமங்கள் எனப்படும்
• எடுத்துக்காட்டு: இரும்பு, மாங்கனீஸ், நிக்கல் ,கோபால்ட், டங்க்ஸ்டன்

2.இரும்பு சாராத கனிமங்கள்

• இரும்பு கலக்காமல் இருந்தால் அவை இரும்பு சாராத கனிமங்கள் எனப்படும்
• எடுத்துக்காட்டு: தங்கம், வெள்ளி, செம்பு ,பாக்சைட்

ii)உலோகமல்லாத கனிமங்கள்

• மைக்கா, சுண்ணாம்புக்கல், ஜிப்சம் ,பொட்டாசியம், நிலக்கரி, பெட்ரோலியம்

சில முக்கிய கனிமங்கள்

இரும்புத் தாது

• இரும்பு நாகரீகத்தின் முதுகெலும்பு என வர்ணிக்கப்படுகிறது
• உலகின் மொத்த இரும்புத்தாது இருப்பில் 20% இரும்புத்தாது இந்தியாவில் அமைந்துள்ளது
• இந்தியாவில் சட்டீஸ்கர் மாநிலத்தில் துர்க் பகுதியும், ஜார்க்கண்டிலுள்ள சிங்பும் மாவட்டம் ,ஒடிசாவில் உள்ள சுந்தர்கார்க்,மாயூர்பஞ்ச்,கியோன்ஜார் மாவட்டங்களிலும், கோவா, கர்நாடகா, தமிழ்நாடு ஆகிய மாநிலங்களில் சில பகுதிகளிலும் காணப்படுகிறது

மாங்கனீஸ்

• கடினமான துருப்பிடிக்காத இரும்பு எஃகினை தயாரிக்க மாங்கனீஸ் தேவையாக இருப்பதால் இரும்பு எஃகு தொழிற்சாலைகளில் மாங்கனீஸ் முக்கிய பங்காற்றுகிறது
• உலர் மின்கலன்கள் தயாரிக்க மாங்கனீசு-டை- ஆக்சைடு பயன்படுகிறது
• பிளீச்சிங் தூள் மற்றும் வண்ணப் பூச்சுகள் தயாரிக்க பயன்படுகிறது
• மத்தியப்பிரதேசத்தில் உள்ள பாலக்காட்டிலும் ,ஒடிசாவில் கியோஞ்சார்,போனைகார்க் பகுதிகளிலும், கர்நாடகத்தில் பெல்லாரி ,சித்ரதுர்க்கா சிமோகாவிலும், தமிழ்நாடு மகாராஷ்டிரா, குஜராத், பீகார் ஆகிய மாநிலங்களில் கிடைக்கின்றன

பாக்சைட்

• பாக்சைட் அலுமினியத்தின் தாது ஆகும்
• அலுமினியம் சிலிகேட் நிறைந்த பாறைகள் சிதைவுறுவதால் உருவாகும் இலேசான உலோகமே அலுமினியம் ஆகும்
• இது ஒரு நல்ல எளிதில் கடத்தியாகவும், மிக வளையும் தன்மை கொண்டதாகவும்,மிக இலேசாக இருப்பதாலும் அதிக அளவில் தொழிற்சாலைகளுக்கு பயன்படுகின்றன
• சட்டீஸ்கர் மாநிலத்தில் பிலாஸ்பூர், ஜார்க்கண்ட் மாநிலத்தில் ராஞ்சி, மகாராஷ்டிரா மாநிலத்தில் ரத்னகிரி, ராய்கர், ஒடிசா மாநிலத்தில் சம்பல்பூர் ,காலகந்தி மற்றும் கோவா, குஜராத், கர்நாடகா, தமிழ்நாட்டில் சேலம், மதுரை, நீலகிரி ஆகிய இடங்களில் கிடைக்கும்

தாமிரம்

• சிறந்த வெப்பக் கடத்தியாகவும், மின்கடத்தி யாகவும் உள்ளது
• மின்கருவிகள் தயாரிப்பு தொழிற்சாலைகளில் முக்கிய பங்காற்றுகிறது
• தாமிரம் மற்ற உலோகங்களுடன் சேர்ந்து கலப்பு உலோகம் செய்யப் பயன்படுகிறது
• ஜார்கண்ட் மாநிலத்தில் உள்ள சிங்பும், ஆந்திரப் பிரதேசத்திலுள்ள குண்டூர், நெல்லூர், மத்தியப்பிரதேசத்தில் உள்ள பாலக்காட், ராஜஸ்தான், கர்நாடகா மாநிலங்களில் சில பகுதிகளிலும் தாமிரம் கிடைக்கிறது

மைக்கா

• மைக்கா மின்சாரத்தை கடத்தாத பொருளாக இருப்பதால் மின்பொருட்கள் உற்பத்திக்கு பயன்படுகிறது
• உலகில் மைக்கா உற்பத்தியில் இந்தியா 60% பங்களிக்கிறது
• ஆந்திரப் பிரதேசம், ஜார்கண்ட், பீகார் ராஜஸ்தான் ஆகிய மாநிலங்கள் மைக்கா உற்பத்தி செய்கின்றன

எரிசக்தி வளங்கள்

• நிலக்கரி, பெட்ரோலியம், இயற்கை எரிவாயு, சூரிய சக்தி, காற்று சக்தி போன்றவை சில எரிசக்தி வளங்களாகும்
• எரிசக்தி வளங்களை இரண்டாகப் பிரிக்கலாம்

      i)புதுப்பிக்கத்தக்க வளங்கள்
      ii)புதுப்பிக்க இயலாத வளங்கள்

i)புதுப்பிக்கத்தக்க வளங்கள்

சூரிய சக்தி

• இந்தியா அயன மண்டலத்தில் அமைந்திருப்பதால் அதிகமான சூரிய சக்தியைப் பெறுகின்றது
• சூரிய ஒளியை நேரடியாக மின்சக்தியாக போட்டோவோல்டாயிக் தொழில்நுட்பம் மூலம் மாற்ற முடியும். இம்முறையின் மூலம் 20 மெகாவாட் சூரிய சக்தியை ஒரு சதுர கிலோ மீட்டர் பரப்பளவிற்குள்  உற்பத்தி செய்ய முடியும்
• பெரிய அளவில் சூரிய சக்தியை மின்சக்தியாக மாற்றும் மையம் குஜராத்திலுள்ள பூஜ் அருகே மாதாபுரியில் அமைந்துள்ளது

காற்று சக்தி

• காற்று சக்தி காற்றின் திசைவேகம் 30 நாட்களுக்கு மேல் இருந்தால் தான் உற்பத்தி செய்ய இயலும்
• தமிழ்நாடு, ஆந்திரப் பிரதேசம், கர்நாடகா, குஜராத், கேரளா, மகாராஷ்டிரா போன்ற மாநிலங்களிலும், இலட்சத்தீவிலும் காற்றுசக்தி உற்பத்தி மையங்கள் அமைக்கப்பட்டுள்ளன

உயிரி சக்தி

• புதர்கள், பயிர்களிலிருந்து பெறும் கழிவு ,மனிதன் மற்றும் விலங்குகளின் கழிவு போன்றவற்றைப் பயன்படுத்தி உயிரிசக்தி உற்பத்தி செய்யப்படுகிறது

ஓத சக்தி

• இந்தியா 8000 முதல் 9,000 மெகாவாட் ஓத சக்தி திறனைக் கொண்டுள்ளது
• காம்பே வளைகுடா 7000 மெகாவாட், கட்ச் வளைகுடா 1000 மெகாவாட், சுந்தரவனப் பகுதிகளில் 100 மெகாவாட் ஓத சக்தியை உற்பத்தி செய்ய முடியும்

அலை சக்தி

• இந்தியா 40,000 மெகாவாட் அலை சக்தி திறன் கொண்டது
• திருவனந்தபுரத்திற்கு அருகிலுள்ள விழிஞ்ஞம் என்ற இடத்தில் 150 மெகாவாட் அலை சக்தி உற்பத்தி நிலையம் அமைக்கப்பட்டுள்ளது

ii)புதுப்பிக்க இயலாத எரிசக்தி வளங்கள்

நிலக்கரி

• நிலக்கரி கருப்புத் தங்கம் என அழைக்கப்படுகிறது
• இரும்பு எஃகு தொழிற்சாலைகளில் பயன்படுத்தப்படுகிறது
• நிலக்கரியின் தரம் மற்றும் கார்பன் அளவின் அடிப்படையில் பல வகையாக பிரிக்கப்பட்டுள்ளது .அவை ஆந்தரசைட்,பிட்டுமினஸ்,லிக்னைட், மரக்கரி
• மூன்றில் இரண்டு பங்கு நிலக்கரி ஜார்க்கண்ட் ,மத்தியப் பிரதேசம் சட்டீஸ்கர் ஒடிசாவில் உற்பத்தியாகிறது
• மீதமுள்ள ஒரு பங்கு நிலக்கரி ஆந்திரப் பிரதேசம், மேற்கு வங்காளம், உத்திரப் பிரதேசத்திலிருந்து கிடைக்கிறது
• தமிழ்நாட்டில் நெய்வேலியில் பழுப்பு நிலக்கரி(லிக்னைட்)  கிடைக்கிறது

பெட்ரோலியம்

• கனிம எண்ணெய் என்று அழைக்கப்படுகிறது
• படிவு பாறைகளிலிருந்து பெட்ரோலியம் எடுக்கப்படுகிறது
• 63% மும்பை ஹையிலிருந்தும், 18% குஜராத்திலிருந்தும், 16 சதவீதம் அஸ்ஸாமிலிருந்தும், 3% அருணாச்சல பிரதேசம், ஆந்திரப் பிரதேசம், தமிழ்நாடு போன்ற மாநிலங்களிலிருந்து கிடைக்கிறது

இயற்கை எரிவாயு

• இது புவியின் மேற்பரப்பில் தனியாகவோ அல்லது பெட்ரோலியத்துடன் சேர்ந்தோ
• காணப்படுகிறது
• ஆந்திரப் பிரதேசம், மகாராஷ்டிரா, குஜராத், அஸ்ஸாம், அந்தமான்-நிக்கோபர் தீவுகளில் இயற்கை எரிவாயு காணப்படுகிறது

மின்சக்தி

• மின்சக்தி மூன்று வழிகளில் உற்பத்தி செய்யப்படுகிறது

      1.அனல் மின்சக்தி
      2.நீர் மின்சக்தி
      3.அணுமின்சக்தி

1.அனல் மின்சக்தி

• நிலக்கரி, பெட்ரோலியம், இயற்கை எரிவாயு போன்றவற்றிலிருந்து உற்பத்தி செய்யப்படுகிறது
• பஞ்சாப், ஹரியானா, ராஜஸ்தான், கர்நாடகா, கேரளா, ஒடிசா, டெல்லி ஆகிய மாநிலங்கள் அனல் மின் சக்தியை உற்பத்தி செய்கின்றன

2.நீர்மின்சக்தி

• இந்தியாவின் முதல் நீர்மின்நிலையம் 1897-ம் ஆண்டு டார்ஜிலிங்கில் நிறுவப்பட்டது. மற்றொரு நிலையம்  1902-ம் ஆண்டு காவேரி ஆற்றில் உள்ள சிவசமுத்திரம் நீர் வீழ்ச்சியில் நிறுவப்பட்டது
• இமாச்சலப் பிரதேசம், கர்நாடகா, கேரளா, ஜம்மு-காஷ்மீர், திரிபுரா, மேகாலயா, சிக்கிம் ஆகிய மாநிலங்களில் நீர் மின்சக்தி உற்பத்தி செய்யப்படுகிறது

3.அணு மின்சக்தி

• யுரேனியம் மற்றும் தோரியம் கனிமத்திலிருந்து அணுமின்சக்தி உற்பத்தி செய்யப்படுகிறது
• இக்கனிமங்கள் ஜார்க்கண்ட் மற்றும் ஆரவல்லி மலைத் தொடர்களில் ராஜஸ்தானிலிருந்து எடுக்கப்படுகிறது
• கேரள கடற்கரையின் மண்ணில் உள்ள மோனசைட்டிலிருந்து யுரேனியம் பெறப்படுகிறது
• தாராபூர்(மகாராஷ்டிரா), கல்பாக்கம், கூடங்குளம்(தமிழ்நாடு), ராவத்பட்டா, கோட்டா(ராஜஸ்தான்), நரோரா (உத்திரபிரதேசம்), காக்ரபரா(குஜராத் ), கைக்கா(கர்நாடகா) ஆகிய இடங்களில் அணுமின்சக்தி நிலையங்கள் உள்ளன