6 - ம் வகுப்பு அறிவியல் - நம்மைச் சுற்றியுள்ள பருப்பொருட்கள்

6 - ம் வகுப்பு அறிவியல் - நம்மைச் சுற்றியுள்ள பருப்பொருட்கள்

• திண்ம, திரவ மற்றும் வாயு நிலைகளைத் தவிர மேலும் இரண்டு நிலைகள் உள்ளன. அவை பிளாஸ்மா மற்றும் போஸ் - ஐன்ஸ்டீன் சுருக்கம் ஆகும்
• பிளாஸ்மா நிலை என்பது பூமியில் உள்ள பருப்பொருளின் பொதுவான நிலை அல்ல. ஆனால், அது அண்டத்தில் கூடுதலாகக் காணப்படும் ஒரு பொதுவான நிலையாகும். எடுத்துக்காட்டாக சூரியனும் நட்சத்திர மண்டலமும் சேர்ந்த கலப்பு பிளாஸ்மா நிலை ஆகும்
• போஸ் - ஐன்ஸ்டீன் சுருக்கம் என்பது மிகக் குறைவான தட்பவெப்ப நிலையில் காணப்படும் வாயு நிலை போன்ற பருப்பொருள்களின் நிலை ஆகும். இது 1925 ல் கணிக்கப்பட்டு 1995 ல் உறுதி செய்யப்பட்டது.  இவ்வகை கடுங்குளிர் முறையில் எந்திரங்களில் பயன்படுகிறது

பருப்பொருளின் இயற்பியல் தன்மை

• நிறையுள்ள மற்றும் இடத்தை அடைத்துக் கொள்பவை பருப்பொருள் ஆகும்
• எல்லாப் பருப்பொருளும் மிகச்சிறிய துகள்களால் ஆனவை
• பருப்பொருளில் உள்ள இத்தகைய மிகச் சிறிய துகள்கள் அணுக்கள் அல்லது மூலக்கூறுகள் என அழைக்கப்படுகிறது

பருப்பொருளின் சிறப்புப் பண்புகள்

• பருப்பொருளின் துகள்களுக்கு இடையே அதிக இடைவெளி உள்ளது. இது வெவ்வேறு பருப்பொருளுக்கு வெவ்வேறாக இருக்கும்

பருப்பொருள்களை வகைப்படுத்தல்

• இயற்பியல் நிலை அடிப்படையில் பருப்பொருள்களை திண்மம், திரவம், வாயு என மூன்று வகையாகப் பிரிக்கலாம்

• திண்ம, திரவ மற்றும் வாயுக்களின் நிறை, வடிவம் மற்றும் பருமன்
• செங்கல் மற்றும் கதவு போன்ற வலுவானவை திண்மங்களாகும்
• பாயும் தன்மையுள்ளவை திரவங்கள் ஆகும்
• எளிதில் பாயும் தன்மையுள்ள பொருட்கள் வாயுக்கள் ஆகும்

விரவுதல்

• விரவுதல் என்பது கிடைக்கும் இடத்தை நிரப்பப் பரவும் துகள்களின் தன்மை ஆகும்.

தூய பொருட்கள்

• ஒரு தூய பொருள் என்பது ஒரே தன்மையான துகள்களால் மட்டுமே ஆனது
• தூய பொருள்கள் தனிமங்களாகவோ அல்லது சேர்மங்களாகவோ இருக்கலாம்
• ஒரு தனிமம் என்பது சிறிய துகள்களாலான அணுக்களால் ஆனது. ஒரு மூலக்கூறு என்பது இரண்டு அல்லது அதற்கு மேற்பட்ட அணுக்களின் சேர்க்கையாகும். ஒரு சேர்மம் என்பது இரண்டு அல்லது அதற்கு மேற்பட்ட தனிமங்கள் இணையும் வேதியியல் சேர்க்கையாகும்

• தங்கத்தின் தூய்மை காரட் என்ற அலகால் குறிப்பிடப்படுகிறது. 24 காரட் தங்கம் என்பது தூய நிலையில் உள்ள தங்கமாகக் கருதப்படுகிறது

கலவைகள்

• ஒரு கலவை என்பது ஒன்றுக்கு மேற்பட்ட ஒரே தன்மையான துகள்களைக் கொண்ட தூய்மையற்ற பொருளாகும்
• கலவையின் பகுதிப் பொருட்கள் எந்த விகிதத்திலும் கலக்கப்பட்டு இருக்கும்

• கலவைகள் உருவாவது என்பது பின்வரும் இயற்பியல் சேர்க்கை
• இரண்டு அல்லது இரண்டிற்கு மேற்பட்ட தனிமங்களை இணைத்தல்
• எடுத்துக்காட்டு: 22 காரட் தங்கத்தில் உள்ள தங்கம் மற்றும் தாமிரம், தங்கம் மற்றும் காட்மியம் கலவைகள்
• இரண்டு அல்லது இரண்டிற்கு மேற்பட்ட சேர்மங்களை இணைத்தல்
• எடுத்துக்காட்டு: சோடாவில் உள்ள நீர், கார்பன் டை ஆக்சைடு, நிறமூட்டி, இனிப்பு
• ஒரு தனிமம் மற்றும் ஒரு சேர்மத்தினை இணைத்தல், அயோடின் டிஞ்சரில் காணப்படும் ஆல்கஹாலில் உள்ள அயோடின்

பொருட்களைப் பிரித்தல்

• ஒரு கலவையிலிருந்து அவற்றின் பல பகுதிப் பொருட்களைத் தனித்தனியே பிரித்து எடுக்கும் முறைக்கு பிரித்தெடுத்தல் என்று பெயர்

கலவைகளை பிரிப்பதன் அவசியம்

• கலவைகளில் உள்ள மாசுக்களையும், தீங்குவிளைவிக்கும் பகுதி பொருள்களையும் நீக்குதல்
• எடுத்துக்காட்டு: அரிசியில் உள்ள கற்களை நீக்குதல்
• பயனளிக்கும் ஒரு பகுதிப் பொருளினை அதன் மற்ற பகுதிப் பொருட்களிலிருந்து தனித்தெடுத்தல்
• எடுத்துக்காட்டு: பெட்ரோலியத்திலிருந்து பெட்ரோல் பெறுதல்
• ஒரு பொருளை மிகுந்த தூய நிலையில் பெறுதல்
• எடுத்துக்காட்டு: தங்கச் சுரங்கத்தில் இருந்து தங்கம் பெறுதல்

சலித்தல்

• வெவ்வேறு அளவுடைய திடப்பொருள்களை பிரித்தெடுக்கும் முறைக்கு சலித்தல் என்று பெயர்
• எடுத்துக்காட்டு: மாவிலிருந்து தவிடு நீக்குதல், மணலிலிருந்து சரளைக் கல்லை நீக்குதல்

கடைதல்

• மிகச்சிறிய அளவிலான கரையாத திடப்பொருள்களை திரவத்தில் இருந்து பிரித்தெடுக்க கடைதல் முறை பயன்படுகிறது
• எடுத்துக்காட்டு: தயிரிலிருந்து வெண்ணெய் எடுத்தல்

பிற முறைகள்

• தூற்றுதல்
• கைகளால் தெரிந்தெடுத்தல்
• காந்தப் பிரிப்பு முறை
• தெளிய வைத்து இறுத்தல்
• வடிகட்டுதல்

உணவுக் கலப்படம்

• உணவுப் பொருட்களில் தேவையற்ற பொருட்களோ அல்லது தீங்கு விளைவிக்கும் பொருட்களோ காணப்படுவது உணவுக் கலப்படம் எனப்படும்