7 - ம் வகுப்பு அறிவியல் - பருப்பொருள்கள் மற்றும் அதன் தன்மைகள்

பருப்பொருள்கள் மற்றும் அதன் தன்மைகள்

இயற்பியல் மாற்றங்கள்

• ஒரு பருப்பொருளின் இயற்பியல் பண்புகளான வடிவம், அளவு, நிறம் ஆகியவற்றில் மட்டும் மாற்றம் நிகழ்வது இயற்பியல் மாற்றம் எனப்படும்
• திண்மப் பொருளை வெப்பப்படுத்தும் போது திரவமாக மாறாமல் நேரடியாக வாயு நிலைக்கு மாறுவது பதங்கமாதல் எனப்படும்
• திண்மப் பொருளை வெப்பப்படுத்தும் போது திரவமாக மாறுவது உருகுதல் எனப்படும்
• எடுத்துக்காட்டு
• பனிக்கட்டியை வெப்பப்படுத்தும் போது நீராக மாறுவது
• நீரைத் தொடர்ந்து வெப்பப்படுத்தும் போது நீர் கொதித்து நீராவியாக மாறுவது ஆவியாதல் எனப்படும்
• நீராவியை குளிரச் செய்தால் அது மீண்டும் நீராக மாறுவது குளிர்வித்தல் எனப்படும்
• நீரை மீண்டும் குளிர்விக்கும் போது பனிக்கட்டியாக மாறுவது உறைதல் எனப்படும்

வேதி மாற்றங்கள்

• வினைபடு பொருள்கள் வினைபுரிந்து ஒன்றுக்கு மேற்பட்ட வினை விளைப் பொருட்களைத் தருவது வேதி மாற்றம் எனப்படும்
• வேதி மாற்றங்கள் நடைபெறும் பொழுது, வெப்பத்தையும் ஒளியையும் வெளிவிடும் அல்லது உள்ளிழுக்கும்
• ஒலியை உண்டாக்கும்
• நிறம் மாறும்
• மணம் மாறும்
• காய்கறிகள் மற்றும் பழங்களின் மணம், நிறம், சுவை ஆகியவற்றிற்கு அவற்றில் உள்ள ஃபினாலிக் சேர்மங்களே காரணமாகும்.ஃபினா லிக் சேர்மங்கள் இதய நோய் மற்றும் சில வகையான புற்றுநோய்களையும் தடுக்கிறது
• காய் மற்றும் பழங்களில் உள்ள ஃபினாலிக் சேர்மம் என்ற வேதிப்பொருள் காற்றில் உள்ள ஆக்ஸிஜனுடன் வினை புரிந்து மெலானின் என்ற பழுப்பு நிறப் பொருளாக மாறுகிறது

அமிலங்கள்

• அமிலங்கள் இருவகைப்படும்

1. கரிம அமிலங்கள்

2. கனிம அமிலங்கள்

1.கரிம அமிலங்கள்

• தாவரங்களிலிருந்தும், விலங்குகளிலிருந்தும் பெறப்படும் அமிலங்கள் கரிம அமிலங்கள் எனப்படும்
• ஆரஞ்சு மற்றும் எலுமிச்சையில் சிட்ரிக் அமிலம் உள்ளது
• தயிரில் லாக்டிக் அமிலம் உள்ளது
• குளிர்பானங்களில் கார்போனிக் அமிலம் உள்ளது
• ஆப்பிளில் மாலிக் அமிலம் உள்ளது
• உணவு செரிப்பதற்கு ஹைட்ரோகுளோரிக் அமிலம் இரைப்பையில் சுரக்கப்படுகிறது

2.கனிம அமிலங்கள்

• தாதுப் பொருட்களில் இருந்து பெறப்படும் அமிலம் கனிம அமிலம் எனப்படும்
• எடுத்துக்காட்டு
• ஹைட்ரோ குளோரிக் அமிலம் (HCl),கந்தக அமிலம் (H₂SO₄),நைட்ரிக் அமிலம்,(HNO₃)
• மனித உடலில் உள்ள செல்களில் (DNA) டி ஆக்ஸி ரிபோ நியூக்ளிக் அமிலம் உள்ளது
• இது செல்களின் செயல்களைக் கட்டுப்படுத்துகிறது
• எடுத்துக்காட்டு
• இந்த செல்கள் மனிதனின் உடலமைப்பு மற்றும் உயரத்திற்கு காரணமாக அமைகிறது புரதங்கள் உடல் கட்டமைப்புக்கு உதவுகிறது புரதத்தில் அமினோ அமிலங்கள் உள்ளது கொழுப்பில் கொழுப்பு அமிலம் உள்ளது
• ஹைட்ராஞ்ஜியா மேக்ரோபைலா செடி  அமிலத் தன்மையுள்ள மண்ணில் வளரும் போது நீல நிறத்திலும், காரத் தன்மையுள்ள மண்ணில் வளரும் போது ஊதா நிறத்திலும், நடுநிலைத் தன்மையுள்ள மண்ணில் வளரும் போது வெள்ளை நிறத்திலும் பூக்கும்

அமிலங்களின் பண்புகள்

• புளிப்புச் சுவை உடையவை
• அரிக்கும் தன்மை உடையவை
• பொதுவாக எல்லா அமிலங்களிலும் ஹைட்ரஜன் காணப்படும். இருப்பினும் ஹைட்ரஜன் உள்ள அனைத்துச் சேர்மங்களும் அமிலங்கள் அல்ல. எடுத்துக்காட்டு மீத்தேன்(CH₄), அம்மோனியா(NH₃), குளுக்கோஸ்(C₆H₁₂O₆)
• அமிலங்கள் உலோகங்களுடன் வினைபுரிந்து ஹைட்ரஜன் வாயுவை வெளியேற்றுகின்றன
• உலோகம் + அமிலம —> உப்பு + ஹைட்ரஜன்
• அமிலங்கள் நீல லிட்மஸ் தாளை சிவப்பு நிறமாக மாற்றும்
• அமிலங்கள் ஃபினாப்தலின் நிறங்காட்டியுடன் எந்தவித நிறமும் தருவதில்லை
• அமிலங்கள் மெத்தில் ஆரஞ்சு நிறங்காட்டியுடன் சிவப்பு நிறம் தருகின்றன
• அமிலங்கள் மின்சாரத்தை கடத்தக் கூடியவை

அமிலங்களின் பயன்கள்

கனிம அமிலங்களின் பயன்கள்

• வேதியியல் ஆய்வு கூடங்களில் பயன்படுகின்றன
• சாயம், மருந்து, உரம், வெடிபொருள் மற்றும் வாசனைத் திரவியங்கள் தயாரிக்கும் தொழிற்சாலைகளில் பயன்படுகிறது
• உலோகங்களைத் தாதுக்களிலிருந்து பிரித்தெடுப்பதற்கும் மற்றும் எலும்புகளிலிருந்து பிசினைப் பிரிப்பதற்கும் பயன்படுகிறது
• அமிலங்கள், கரியமில வாயு, ஹைட்ரஜன் சல்ஃபைடு, ஹைட்ரஜன், சல்ஃபர் டை ஆக்சைடு போன்ற வாயுக்கள் தயாரிப்பதற்கும் பயன்படுகின்றன
• பெட்ரோலியம் சுத்திகரிப்பதற்கு பயன்படுகிறது

கரிம அமிலங்களின் பயன்கள்

• உணவைப் பதப்படுத்த பயன்படுகிறது
• வைட்டமின் C தயாரிக்க பயன்படுகிறது
• சமையல் சோடா தயாரிக்கப் பயன்படுகிறது
• உணவு மற்றும் குளிர்பானங்களின் சுவையைக் கூட்ட பயன்படுகிறது

காரங்கள்

• உலோக ஆக்சைடு மற்றும் ஹைட்ராக்சைடு சேர்மங்கள் காரங்கள் எனப்படும்
• எடுத்துக்காட்டு
• சோடியம் ஹைட்ராக்சைடு (எரிசோடா), பொட்டாசியம் ஹைட்ராக்சைடு (எரி பொட்டாசு)
• காரங்கள் நீருடன் சேரும்போது ஹைட்ராக்சைடு அயனியைத் தருகிறது
• நீரில் கரையும் காரங்கள் அல்கலிஸ் எனப்படும்
• சுட்ட சுண்ணாம்பு - இதன் வேறு பெயர் கால்சியம் ஆக்சைடு
• பொட்டாசியம் ஹைட்ராக்சைடு - இதன் வேறு பெயர் காஸ்டிக் பொட்டாஷ்
• கால்சியம் ஹைட்ராக்ஸைடு - இதன் வேறு பெயர் நீற்றுச் சுண்ணாம்பு
• சோடியம் ஹைட்ராக்சைடு - இதன் வேறு பெயர் காஸ்டிக் சோடா
• மெக்னீசியம் ஹைட்ராக்சைடு - இதன் வேறு பெயர் மெக்னீசியம் பால்மம்
• இயற்கையில் காணப்படும் நிறங்காட்டிகள்
• லிட்மஸ் - ஓர் இயற்கைச் சாயம்
• இது லைக்கன்ஸில் இருந்து தயாரிக்கப்படுகிறது
• நீரில் இதன் நிறம் ஊதாவாக இருக்கும் அமிலத்தில் சேர்க்கும்போது இதன் நிறம் சிவப்பாக மாறும்
• காரங்கள் லிட்மஸ் தாளை நீல நிறமாக மாறுகின்றன

காரங்களின் பண்புகள்

• கசப்பு சுவை உடையவை
• வலிமை மிக்க காரங்கள் அரிக்கும் தன்மை வாய்ந்தது
• இவை சிறந்த மின் கடத்திகள்
• சோப்பு மற்றும் எண்ணெய் போன்று தொடுவதற்கு வழவழப்பாக இருக்கும்
• சிவப்பு லிட்மஸ் தாளை நீல நிறமாக மாற்றும்
• ஹைட்ராக்சில் தொகுதியை உடையவை

  காரங்களின் பயன்கள்

• வேதியியல் ஆய்வகங்களில் பயன்படுகிறது
• சோப்பு, துணி மற்றும் பிளாஸ்டிக் தயாரிக்கும் தொழிற்சாலைகளில் பயன்படுகிறது
• பெட்ரோலியம் சுத்திகரிப்பு நிலையங்களில் பயன்படுகிறது
• காகிதம், மருந்து தயாரிப்பதற்கு பயன்படுகிறது
• ஆடைகளில் படிந்துள்ள கறை,எண்ணெய் பிசுக்குகளை அகற்றப் பயன்படுகிறது

நடுநிலையாக்கல்

• காரத் தன்மை வாய்ந்த கரைசலை அமிலத்தன்மை கொண்ட கரைசலுடன் சேர்க்கும்போது நடுநிலையாக்கல் வினை நடைபெறுகிறது
• கந்தக அமிலம் வேதிப்பொருள்களின் அரசன் என்று அழைக்கப்படுகிறது. ஏனெனில் பல்வேறு வேதிப் பொருட்களை தயாரிக்க கந்தக அமிலம் அடிப்படை மூலப் பொருள் ஆகும்
• உலகில் அதிக வலிமை மிக்க அமிலம் ஃபுளுரோ சல்பியூரிக் அமிலம் (HFSO₃)ஆகும்

செரிமானமின்மை

• நமது வயிற்றில் உணவை செரிப்பதற்கு ஹைட்ரோ குளோரிக் அமிலம் சுரக்கிறது
• அதிக அமிலம் சுரந்தால் செரிமானமின்மையை ஏற்படுத்தும்
• செரிமானமின்மையை சரிசெய்ய மெக்னீசியா பால்மம் பயன்படுத்தப்படுகிறது

எறும்பு கடித்தல்

• எறும்பு கடிக்கும் போது பார்மிக் அமிலத்தை தோலினுள் செலுத்துகிறது
• கடிவாயில் துத்தநாக கார்பனேட் (காலமைன்) கொண்டு தேய்ப்பதன் மூலம் தோலினுள் செலுத்தப்பட்ட அமிலம் நடுநிலையாக்கப்படுகிறது

தொழிற்சாலை கழிவுகள்

• சில தொழிற்சாலைக் கழிவுகளில் அமிலங்கள் உள்ளது. இவை ஆறு,கடல்களில் கலக்கும் போது மீன் மற்றும் அவற்றில் வாழும் உயிரினங்கள் அழிக்கப்படுகின்றன
• எனவே இவ்வகைக் கழிவுகள் காரங்களை வைத்து நடுநிலையாக்கப்படுகின்றன

மண்ணை செம்மைப்படுத்துதல்

• விவசாய நிலங்களில் அதிகமான உரங்கள் பயன்படுத்துவதால் மண் அமிலத்தன்மை வாய்ந்ததாக மாறுகிறது. எனவே இந்த மண் காரத்தை பயன்படுத்தி நடுநிலையாக்கப்படுகிறது
• மண் காரத் தன்மை உடையதாக இருந்தால் கரிம பொருட்களில் உள்ள அமிலத்தால் மண்ணின் காரத்தன்மை நடுநிலையாக்கப்படுகிறது

உப்பு

• ஒரு அமிலமும், காரமும் நடுநிலையாக்கல் வினையில் ஈடுபடும் போது உருவாகும் அயனிச் சேர்மங்கள் உப்பு எனப்படும்

சோடியம் ஹைட்ராக்சைடு + ஹைட்ரோக்ளோரிக் அமிலம் —>  சோடியம் குளோரைடு + நீர் + வெப்பம்

உப்பின் பயன்கள்

• கால்சியம் பாஸ்பேட், கால்சியம் லாக்டேட், ஃபெரஸ் சல்பேட், சோடியம் குளோரைடு ஆகியவை மனித உடல் சீராக இயங்க பயன்படுகிறது
• சோடியம் குளோரைடு உணவைக் கெடாமல் பாதுகாக்கவும், சுவையைக் கூட்டவும் பயன்படுகிறது
• சோடியம் பை கார்பனேட் குளிர்பானம், ரொட்டி தயாரிப்பில் பயன்படுகிறது
• நீரேற்றப்பட்ட பொட்டாசியம் அலுமினியம் சல்பேட் தண்ணீரைத் தூய்மைப்படுத்த பயன்படுகிறது
• சோடியம் கார்பனேட் சலவை சோடா தயாரிக்கப் பயன்படுகிறது
• காப்பர் சல்ஃபேட் பூச்சிக் கொல்லி மருந்து தயாரிக்க பயன்படுகிறது
• பொட்டாசியம் நைட்ரேட் வெடி மருந்து தயாரிக்க பயன்படுகிறது